Raqamlar olamiga sayohat
Zal bayramona bezatilgan,raqamlar,matematikaga doir shakl va belgilar osilgan,matematik shiorlar ilingan,bolalarning qo’llarida raqam va boshlarida rasmlar,bayroqchalar.
So’roq:Salom Matematika
Nega turibsiz yakka?
Matematika:Salom qadrdon So’roq,
Ko’rinmas hech bir o’rtoq?
So’roq:Tashvishlanmang azizim,
Sizga aytay chin so’zim.
Kelishar barcha do’stlar,
Sardoriman men o’zim.
Matematika:Shodman, unda juda soz,
Mayli, kutayin biroz.
So’roq:O’tiring siz-kitobim,
Yorug’ yo’lim-oftobim.
(Matematika o’tirgach,So’roq zalga yuzlanadi)
Shaklim o’xshar o’roqqa,
Kimni tutay so’roqqa?
Aqlli ham bilimdon
Bormi chiqsin bu yoqqa?
(Matematik belgi,ishora va raqamlar-barcha ishtirokchilar sahnaga ko’tariladi.)
So’roq:Sizlar ahil bolalar,
Go’yo qizil lolalar.
Ne deysizlar ba’zida
Bersam sizga savollar?
Qo’shish:Mayli so’zlang ey,So’roq
Ayirish:Sizda qancha,ne jumboq?
So’roq:Asli kimsiz,nomingiz,
Shioringiz,shoningiz?
Biyron tilda so’zlanglar,
Ulug’ maqsad ko’zlanglar.
Ko’paytirish:Siz aytganday bo’lsin ish
Bo’lish:Do’stim,qilmang hech tashvish
Qo’shish: Har tomondan maktab tomon
Ko’plab mehmon keladi,
Ushbu kungi quvonchimizga
Birday sherik bo’ladi.
Ayirish: Keling avval mehmonlarni
Tezda kutib olaylik
Ustoz bergan odob bilan
Salom- alik qilaylik.
Ko’paytirish: Mehri go’yo oftob bo’lgan
Har so’zi bir kitob bo’lgan
Qilgan ishi savob bo’lgan
Otajonlar assalom
Bo’lish:Salom sizga onajonlar
Parvonasiz bizlarga
Shodligimiz sheriklari
Bizday o’g’il- qizlarga
Matematika:Salom,quvnoq,tirishqoq,
Ziyrak,jo’shqin yosh avlod.
San’atingiz ko’rsating,
Barcha sizdan bo’lsin shod.
Qoshish:
Bugun biz yosh shogird bo’lib, aziz mehmonlarimiz uchun tayyorlagan bayramimizni namoyish etamiz. .
Hamma:
– Xush kelibsiz do’stlar, bayramimizga,
Mehmon bo’ling matematik kechamizga.
Qo’shish:Bizning quvnoq davraga
Xush kelibsiz, marhabo.
Matematika bilan
Hamroh bo’ling doimo.
Ayirish:Matematika kerak
Har bir o’g’il va qizga
Aqlini va fikrini
Soladi yaxshi izga.
Ko’paytirish:Bu fan bizning do’stimiz,
Mo’jizalar makoni
Inoq bo’lib o’tsa kim
Ortar ilmi, imkoni.
Bo’lish:Elda bor shunday naql
“Hisob-kitob qayrog’i”
Tinglab sonlar tavsifin
Bo’lingiz chin o’rtog’i.
So’roq:Boshlandingiz xo’p qiziq
Olib davra bazmini
Ne deysizlar eshitsak
Endi bayram nazmini
Qo’shish:Rozimiz safdoshlar
Ayirish: „Katta“ akam so’z boshlar
Katta:Nomim „Katta“ kuchim ko’p
Deb man-mansib yurmayman
”Kichikka”ka ish buyurib
O’zim bekor turmayman.
Kichik:Bo’lsam hamki men ”kichik”
Aqlim ko’pga yetadi
Laylak turna osmondan
Shaklim chizib o’tadi.
Misol:Nomim misol,ifoda
Tushunsangiz kifoya.
Qimmatimni bilib yoz
Shunda bo’lar ishing soz.
Masala: Men topishmoq masala
Qayta o’qing bir yana
Nima ma’lum noma’lum
Topgach qiling tantana
Qoshish: Endi davramizga bobomiz Al- Xorazmiy yaratgan o’nli pozitsion
sistemaning raqamlarini taklif qilamiz.
Ayirish: Hisoblashda ana shunday qulay usulni yaratib bergan bobomizdan cheksiz
minnatdormiz.
Ko’paytirish:Yashasin o’nli pozitsion sistema!
Bo’lish: Yashasin raqamlar!
0: Necha asrdan buyon biz do’stimiz insonning
1: Qutlamoq uchun keldik bugun barcha mehmonni
2: Biz o’nta pahlavonmiz sir- asrorga makonmiz.
3: Necha-necha jumboqni hal etgan qahramonmiz.
4: Biz bilan hisob-kitob qilgan diyor Hindiston.
5: Beshinchi asrdayoq ishlar edik tez oson.
6: Ustoz Xorazmiy bizga atab asar yaratdi.
7: Shu asar dong’imizni keng olamga taratdi.
8: Bu merosni o’rganing ustoz ruhin shod eting.
9: Ma’rifat bo’stonini yashnating obod eting.
«1» raqami:Eng oldinda turaman,
Bo‘yimga bir qarab qo‘y.
Tartib sonlar ichida
Birinchiman, bilib qo‘y.
So’roq:Qani kim menga aytar
Bir nimani anglatar?
-Bitta yurak,bitta bosh
Bitta oy-u,bir quyosh
«2» raqami:Qomatimni ko‘rganlar
Qiyos etar oqqushga.
Mendan dir-dir titraydi,
Ixlosi yo‘q o‘qishga.
So’roq:Ikkini kim ta’riflar?
Ikki qo’l,ikki oyoq,
Ikki ko’z,ikki quloq.
Ota-ona ikki jon,
Ikkisi ham mehribon
«3» raqami:Bilimingni baholab,
Noiloj qoniqaman.
Qachon mendan o‘tar deb,
Ko‘z tikib toliqaman.
So’roq:Kim 3 sonini ta’rif etgur?
Har faslda 3 ta oy
Uchburchak ham unga joy
Uch og’a-ini botirlar
Deydi bizdan o’rnak ol!
Svetoforning uch chirog’i,
Bizni xavfdan saqlaydi!
«4» raqami:Hisobda yutqazma yut
Ikki karra ikki to’rt
Chala o’qiganlarning
Ishi doim bo’lar mo’rt
So’roq:Tabiat bilan bog’lang
Matematikani darhol
4 bilan bizlar qayda
Uchrashamiz bilingda!
Tabiat kitobi:Tabiatning asosi
Matematika asli.
Bu olamda neki bor,
Hisob-kitobi bisyor!
Ufqning 4 tomoni
Yilda bor 4 ta fasl
1 oyda-chi 4 ta hafta
Otning oyog’i 4 ta
«5» raqami:Meni derlar besh soni —
A’lochilarning joni.
Olti sonidir akam,
Uch-to‘rt sonlari ukam.
So’roq:5 ni men ham yoqtirgum
Lek ma’nosini so’ragum?
-Qo’ldagi 5 panja bu
Yulduzda 5 qirra bu
«6» raqami:Qorni semiz, dumaloq
Beshdan keyin turaman.
Juft sonlar qatorida
Uchinchisi bo‘laman.
So’roq:Ona tili kitobi
Sening so’zing tinglaylik
Ona tili kitobi:Matematika do’stdir
Ona tili faniga
Tartib sonu,sanoq son
Har kun kerakdir bizga.
— Alifboda 6 ta unli tovush
Harflari ham 6 ta
6 ta tinish belgi
Bordir 6 kelishik
«7» raqami:Boshga tutib soyabon,
Belbog‘cha boylaganman.
Hisob-kitobga do‘stlar,
O‘zimni shaylaganman.
So’roq:7 raqamin bizga
Odobnoma bildirar
Odobnoma kitobi:Bu ikki fan biz uchun
Mo’jizalar makoni
Odobli bo’lsa har kim
Ortar ilmi,imkoni.
Yetti pirlar diyoridir
O’zbekiston diyorimiz
7 xazina,7 mo’jiza
1 haftada 7 kun
«8» raqami:Ipak qurt pillasidek,
Qo‘sh halqaga o‘xshayman.
O‘zgarmas qiymatim lek,
Oyoq osmon tursam ham.
So’roq:Navbat ijodga endi,
Mehnat kitobi keldi
Mehnat kitobi:Matematika nechun kerak,
Rasm,mehnatda dersiz?
Naqshu applikatsiya
O’lchash kerakdir so’zsiz!
8 ta janr tasviriy san’atda
8 oyoq ,8 sayyora
Hamda bor sakkizburchak
Hurligimizning ramzi.
«9» raqami:Shaklim o‘xshar vergulga,
Oltiga qarindoshman.
Bir xonali sonlarga,
Shu yoshdan karvonboshman.
So’roq:O’qish kitobi tezda
O’z o’rningni egalla!
O’qish kitobi:Sana,o’lchov va yillar,
Matnda uchrar takror
Buni o’qib,uqish uchun
Matematika darkor!
9-fevralda bobom Navoiy tug’ilgan
9-aprelda Temur bobom tug’ilgan
9-mayda bizlar-Xotirlaymiz hammani
Shuning uchun 9dan minnatdormiz hammamiz
Qo’shish:Hoy, nol, kela qol!
Raqamlar saflangan choq,
Kelmay tuar faqat nol
Ular bo’lishar hayron:
Sodir bo’ldi qanday hol?
Ayirish:Shunda “to’qqiz” gapirdi:
-Imillamay, bo’la qol!
Seni kutib turmaylik,
Tezroq kelib o’rning ol!
Ko’paytirish:Lekin shundan keyin ham,
Qimir etmay turar nol.
Yoki o’z o’rnin bilmay,
Gangib turar ehtimol?
Hamma:Nol uchraydi har yerda,
Asli o’rni qayerda?
Bo’lish:“Matematika” bobojon
Bizga yordamga keling
Nega nol kelmay qo’ydi
Hammani ogoh qiling
Sardor Rahimxonning ”Raqamlar” qos’hig’iga raqs
So’roq:Bolajonlar zukkosiz
Hamda bilimdon,dono
Ingliz tilida so’zsiz
So’zlarsiz burro-burro
- boshlovchi:So’roqvoy to’g’ri aytding
- boshlovchi:Bordir rim raqamlar ham
- boshlovchi:Ular o’zlarin bizga
- boshlovchi:Tanishtirar ingliz tilida
Rim raqamlarini taqqan o’quvchilar chiqib she’rlarini aytishadi
O-Meyk e big lup
Jast layk so’v
Zisiz ze vey
Tu meyk zero’v
I-E strayt layn
Van it iz fan
II-Eravnd end bek
On ze reylvey
Trek meyks
Tu tut u
III-Eravnd ze tri
End eravnd ze tri
Zisiz ze vey
Yu meyk e tri
IV-Davn ove
Davn sam mo
Zet’s ze vey tu
Meyk e fo
V-Put on e het
Zen teyk e dayv
Meyk e ravnd belli
Nav zets fayv
VI-Davn tu e lup
Ze siks rols e hup
VII-Ekros ze skay
End davn from hiven
Zisiz ze vay
Yu meyk e seven
VIII-Meyk en es
End dont veyt
Klaym bek ap
Tu meyk en yet
IX-meyk e so’kl
End zen e layn
Zets ze vey
Tu meyk e nayn
Hamma: One,one, one, little dogs run.
Two,two,two, cats see you.
Three,three,three, birds in a tree.
Four, four,four, rats on the floor.
Qo’shish:Bildingiz birin-ketin
Ayirish:Hammangizga ofarin.
Ko’paytirish:Qani ayting-chi sizlar
Bo’lish: Sonlar haqida maqollar.
“Sanamay sakkiz dema”.
“Birniki mingga, mingniki tumanga”.
“Yer haydasang kuz hayda, Kuz haydamasang yuz hayda”.
“Yetti o’lchab bir kes”.
“Bir orzu ming orzu bo’lolmaydi”.
“Bilimi zo’r mingni yengar,Bilagi zo’r birni yengar”.
“Bir yil tur ekkan kishi,Yuz yil gavhar teradi”.
“Bir tup tok eksang,Bir tup tol ham ek”.
“Bir yigitga yetmish hunar oz”.
“Bir tomchi suv chumoliga daryo ko’runur”.
1-o’quvchi:Oppoq quyon o’ynardi,
Kelib qoldi qorasi
Qo’shilganda bolasi
Nechta bo’ldi hammasi
2-o’quvchi:Malika ,Muxtor,Omon
O’ynashardi qorbo’ron
Keldi shu payt uch o’rtoq
Sanab bilgin sen tezroq
Sahna ko’rinishi SONLAR NEGA XAFA?
Qorong‘i tunda eshik qattiq taqilladi. Oyisi hadeganda chiqavermagach, Xurshidning o‘zi eshik oldiga kelib, tirqishdan mo‘raladi. Hech kim yo‘q… U joyiga yotmoqchi bo‘lib endi yonboshlagan edi hamki, eshik qo‘ng‘irog‘i yana jiringladi.
Xurshid eshikka borib «Kim?» deb so‘radi.
– Biz, Xurshidjon, eshikni oching!
U muloyim ovozdan xotirjam tortdi va eshikni qiya ochdi. Shu payt xonaga oyog‘i kalta 9, belbog’i yo‘q 7, 5 va boshqa sonlar xafa bo‘lib kirib kelishdi. Ular qo‘llarida uzun ruchkalar bilan qurollanib olishgan edi. Xurshid qo‘rqqanidan yugurib xonasiga kirib yotib oldi. Shu payt ustida chirpirak bo‘lib uchayotgan O’qish,Matematika, Ona tili, daftarlariga ko‘zi tushdi. Ular Xurshidning yuz-ko‘zlariga ayamay urilar va yana ko‘kka ko‘tarilardi.
Odobnoma,Tabiat va Mehnat kitoblari uning qo‘llarini mahkam tutib, Matematika huzuriga olib borishdi. Matematika boshiga katta toj kiyib olgan, uning yonida esa O’qish va Ona tili kitoblari turardi. Matematika darg‘azab bo‘lib Xurshidga qaradi va:
– Bu bolaning aybi nima? – dedi do‘rillab.
– U hamma sonlarning oyoq-qo‘llarini uzib oladi, mana, mening ham belbog’imni yulib olgan, – dedi Q harfi zorlanib.
– Ha, bu bola hammamizni qing‘ir-qiyshiq yozadi, oqibatda birimiz cho‘loq, yana birimiz katakdan chiqib ketamiz, – deyishdi 2 bilan 3 sonlari kalta qo‘llarini ko‘rsatib…
– Shunday denglar, – dedi Matematika sonlarni ko‘rib.
Shu payt Xurshid matematika o‘qituvchisi Zulayho opaning gaplarini esladi:
– Sonlarni katakdan chiqarmay chiroyli qilib yoz. Aks holda, ular sendan ranjib qoladi-ya, o‘g‘lim!
Ha, Zulayho opa bekorga aytmagan ekan, mana oqibati. Endi nima qiladi? Fanlar shohi Matematika qanday qaror chiqaradi?
Xurshid jiqqa terga botib ketdi. Matematika o‘tkir nigohlarini undan uzmas, Ona tili va O’qish esa uning hukmini yumshatishga harakat qilishardi.
Hamma jim qolib, so‘z Matematikaga berildi:
– Sonlarning arzini eshitib, shunday xulosaga keldik: Xurshidning qo‘llariga yuz darra urilsin, toki bu boshqalarga ibrat bo‘lsin!
– Voy do-od, oyijo-on!!!
Xurshidning ovozi chiqmadi. U terga botib, tinmay tipirchilar, atrofdagi harflar esa «Xurshid, Xurshid!» deb baqirishardi.
Chiroq nurlaridan ko‘zlari qamashgan Xurshid yig‘lab yubordi. U karavotidan tushib yerga yotib olgan, tinmay depsinardi. Oyisi uni yelkasidan ohista quchdi.
– Yomon tush ko‘rdingmi, bolam?
Xurshid shosha-pisha daftar-kitoblari turgan stolga qaradi. Ular joy-joyida turardi.
Ertasi kuni Xurshid hamma fanlardan yangi daftar tutdi va barcha sonlarni chiroyli husnixat bilan yoza boshladi…
Qo’shish: Kim nima degan ekan
Ayirish:Matematika haqida
Ko’paytirish:Gar bilmoqchi bo’lsangiz
Bo’lish:Quloq soling albatta
M- Matematika fanlar ichra shoh, uning sirlaridan bo’lingiz ogoh! Qori Niyoziy.
A — Kim matematikani bilmasa, haqiqatni bilmaydi.
Kim uni tushunmasa zulmatta yashaydi. Rene Dekart
T — Musiqa qalb matematikasi bo’lsa matematika miya musiqasidir.N.G. Chernishevskiy.
E- Yulduzlar hukmiga oid ilm-matematik fanlarning eng yaxshi mahsulidir.
Abu Rayhon Beruniy
M — Matematika – aql gimnastikasidir. A.V.Suvorov
A- Matematika san’atning bir turidir. N.Viner
T -Matematika- barcha fanlar eshigi va kalitidir. ( Bekon)
I-Tabiatning buyuk kitobi matematik belgilar bilan yozilgan. ( Galiley)
K-Biz matematikani kasb qilib tanlamaymiz, bizni u tanlaydi. ( Manin)
A-Matematika shuntay tilki- barcha aniq fanlar shu tilda gapiradi. ( Lobachevskiy)
(Matematika so’zi hosil bo’ladi)
Qo’shish:- “Matematika”kechamiz
Tugab borar shu onda
Dil so’zlari aytdik biz,
Rahmat deymiz hammaga!
Ayirish:- Ona yurtim omon bo’l,
Shudir yolg’iz tilagim
Sen uchun, Vatan uchun,
Yonib yashar yuragim!
Ko’paytirish:- Xayr aziz mehmonlar,
Ota-ona ustozlar,
Barchangizga ming rahmat,
Bo’ling doim salomat!
Bo’lish:— Tumanimda ko’p maktab,
Yana ko’pdir bog’chalar.
Lekin yakka-yagona,
Hamma:
Budir bizning – maktab!